Scho gli mol noch em Krieg, wo di französischi Bsatzig wieder s´Fasnacht mache erlaubt het, hets z´Wyhle wieder Clique geh, di Schnitzelbäng in de Beize gsunge hen. D´Beize sin an de Fasnacht wie au d´Turnhalle vo de Hebelschuel immer gstoße voll gsi. S´isch öbis glaufe an dere Fasnacht, au ohni großi Organisation – d´Lüt sin eifach do gsi un hen au mit fascht nüt e sau glatti Fsnacht gha.
Di Clique, di noch em Krieg z´erscht wieder uf d´Gass gange isch, isch di legendäri "Bengel Gligge" mit em Retz Ernscht, em Streule Reinhard, em Riechner Paul an de Handorgele, de beide "Becke Neger", de Brieder Hugo un Franz Beck gsi, witer isch au no de Schmitte Männi, de Ronegger Willi, de Keller Paul un de Rütschlin Kurt bi de "Bengel Gligge" aktiv gsi. Me verzählt au, es hebi au no vom Wyhlemer Turnverein e Schnitzelbangclique ge.
Bengel Gligge, 1.Schnitzelbanggruppe nach dem Krieg, vor der Bahnhofsgaststätte Wuchner 1949, links vom Akkordeonist Paul Riechner, von vorne nach hinten: Keller Paul, Retz Ernst, Beck Franz (verdeckt) Schmitt Hermann, rechts vom Akkordeonist, von vorne nach hinten: Beck Hugo, Ronegger Willi, Rütschlin Kurt und Streule Reinhard
Ich cha mi uf jede Fall no an di schöne Helge vo de Bengel Gligge erinnere, des muess so um 1949 gsi si, wo mi de Vater als Biebli in de Ochse z´Wyhle an d´Fasnacht mit gnoh het. I ha hüt no, noch fascht 60 zig Johr e Sujet vor de Auge, des mi dört ganz bsunders beidruckt het. S´isch e Helge gsi, vom Wullschlegel Fritzli us de Kirchstroß, woner bi ere Huusmetzg e Säuli het stäche wote un wo er dann unfreiwillig uf de Sau devo gritte isch. Di Bengel Gligge het bis 1954 Schnitzelbäng gmacht; un dann hets über 20 Johr z´Wyhle keini Schnitzelbäng me ge.
Di troschtlosi, schnitzelbangfreii Zyt isch dann Gott sei Dank an de Fasnacht 1984 z´End gange. De Dietrich Hansjörg un de Förtsch Rolf hen sich im Herbscht 1983 zäme due, un hen d´Wyhlemer Schnitzelbängler us de Daufi ghobe. Ganz am Afang sin d´Schnitzelbängler z´Siebt gsi, nebe em Dietrich Hansjörg un em Förtsch Rolf, isch´s de Kroppe Xaveri, de Reiger Knut, de Weber Heinz, de Tscheuli Heinz un de Lubenow Klaus an de Orgle gsi. Di schöne Text für d´Schnitzelbängler het in de erschte Johre de Eberli Helmut brünslet un d´Helge het de Schüßler Fred gmolt.
De erscht Ufftritt hen d´Wyhlemer Schnitzelbängler am 2.März 1984 bim 25. Jährige Jubiläum vo de Naserümpfer-Hexeclique gha un so dürfe mir im Jubiläumsjohr vo de Zumpft, vo de Naserümpfer-Hexeclique un de Waggis an de Fasnacht 2009 25 Johr Wyhlemer Schnitzelbängler mitfire.
ume passiert. Als Schnitzelbängler chriegt me di beschte Informatione am Stammtisch; un mir hen Gott sei Dank e paar hervorragendi un usduerndi Schtammtischgänger.
So im Schpotherbscht hockt me den zäme un duscht sich us was den so ob isch, wer wo öbis käschperlet het un dann brünslet me die erschte Schnitzelbäng. Unseri Sujet chömme nume sälte us de große Politik; es sin sin di kleine Missgschick, di Dir un mir passiere könnte di mir persifliere.
S´bsunderi an unse Schnitzelbäng isch de Schwanz, e kurzi, knappi Zämmefassig vom Schnitzelbang, für alli die´s bim eigentliche Bang no nit rächt kapiert hen oder die gärn nonemol e zweits mol lache wen.
Scho im November fange mir mit de Probe a, un hen im Fasnachtskeller, bim Dietrich Hansjörg e gmietliche Platz gfunde. Mir sin im 25. zigschde Johr au no z´Siebt. De "technisch Direkter", de Dietrich Hansjörg, schtellt uns nit nume si Keller zur Verfiegig, er isch au immer sehr besorgt, das mir gnueg Wii bi de Probe hen. De Reiger Knut, gen. Schnägg, luegt das alles guet lauft un isch so e bitz unse Dätschmeischter; de Karth Guido schpielt Orgele, macht d´Schwänz un isch eifach fürs musikalischi zueschtändig. De Lindau Kurt läbt noch em Motto:" De Värslibrünzler het guet lache, mues eifach nume Värsli mache!" Dann hen mir no de Forschter Sigi der di schöne Helge passend zue de Sujet molt; nebi isch er jede Tag zwei mol am Schtamm im Leue um s´Neuschti für unseri Bäng z´erfahre. De Tscheuli Heinz un de Ebner Geni ofere sich au higebigsvoll an diverse Schtammtisch für d´Informationsbeschaffig uf.
Nit vergässe wenn mir unsi Fraue, di an de Fasnacht mit uns uf d´Gass un in d´ Beize gön um dört Schnitzelbäng z´verkaufe und uns au wärend de Zyt vo de Probe mit Fasnachtschiechli, Ziebelewaie un andere guete Sache defür sorge, dass mir au rächt guet zwäg sin.